從恐懼到重生! 英國私家醫院子宮息肉切除手術日記!

文章目錄

故事起點: 那天，我的身體突然發出了警告…

手術前的心情煎熬

• 對英國醫療系統的陌生感
• 推開病房，空間出乎意料寬敞
• 麻醉前的焦慮與不安

手術驚喜發現和術後經歷

• 醫生發現瘜肉的意外驚訝
• 術後體驗: 食嘢反胃吐咗出嚟
• 護士的關懷與照顧

對英國私家醫療系統的反思

• 對香港居民在英國選擇醫療服務的建議
• 女性健康意識的重要性

術後康復的體驗

• 手術之後嗰幾日，感覺肚子漲得好厲害

術後經歷的感悟: 自由與遠方

「英國私家醫院同NHS公立醫院有乜唔同？」呢個問題其實我一直都唔係好清楚，直到我親身經歷咗在Guildford Mount Alvernia私家醫院做子宮腔鏡檢查和息肉切除術，先真正體會到英國私家醫院嘅運作同專業性。

今次係我第一次接受婦科手術，充滿未知同緊張，但係經歷過之後，我希望藉此分享俾所有身處英國嘅香港朋友，尤其係未對英國私家醫療系統了解嘅你哋，希望呢篇文章能夠幫助大家做出更明智嘅選擇。

那天，我的身體突然發出了警告…

這是一個我永遠不會忘記的日子——當我毫無預兆地在非月經期發現血點時，我的心情瞬間跌入了谷底。那一刻，所有事情似乎都變得不再一樣，像是某種無形的警鐘響起。我開始感到恐慌，內心無數的疑問浮現：這到底代表著什麼？隱藏著什麼危機？我本以為這只是小問題，結果卻讓我走上一段完全預想不到的旅程……

無數疑問在腦海中盤旋

無數疑問在腦海中盤旋：這是什麼徵兆？會不會有什麼大問題？懷著這份擔憂，我立即預約咗NHS的GP，期望可以得到答案。

見完GP後，雖然醫生話暫時未有即時危險，但建議我進一步檢查。當時我內心依然無法平靜，總覺得隱藏著某種無法預知的風險。醫生建議我做子宮腔鏡檢查，話雖如此，我知道NHS的等待時間一向都比較長，心裡不禁更加焦慮。

正當我為前路不安嘅時候，幸運地，我有英國Bupa的私家醫療保險，這讓我能夠迅速安排私家醫院的檢查和手術。當醫生話可以很快幫我處理時，我突然感覺到一絲輕鬆，至少不用長時間拖著心中的不安。我心想，既然可以快速解決問題，為何不選擇私家醫院呢？就這樣，我決定踏上這趟手術之路，雖然內心還是有著恐懼，但這是我向前的第一步。

手術前的心情煎熬

清晨，天未亮，我喺車上望住窗外，霧氣緩緩籠罩住整個小鎮，心情比天氣更為沉重。

由於手術安排喺早上7:30，而平時由屋企開車去醫院要成個鐘頭車程，所以我哋提前一晚就入住咗Guildford Harbour Hotel，呢間酒店距離醫院只係五分鐘車程，方便我第二日可以輕鬆準時到達。

• Guildford Harbour Hotel
• Address: 3 Alexandra Terrace, Guildford GU1 3DA

酒店仲有一個Spa，當時我哋考慮到可以放鬆下，於是額外支付咗£10，可以喺Spa度享受一小時嘅寧靜時光，舒緩下手術前嘅緊張心情。呢個放鬆嘅時光，彷彿係手術前一個小小嘅喘息機會，幫我減少緊張，暫時將第二日早上嘅手術拋諸腦後。

手術當日的清晨：瞓意與恐懼交織的第一步

當我喺清晨7:30到達Mount Alvernia Hospital，望住眼前呢座紅磚建築，腦海中充滿住各種情緒。天氣雖然清冷，但我心裡嘅緊張仲要凍。💭 一路行到呢度，身體仲未完全醒，瞓意未消，加上對手術嘅未知感，令我好驚慌。半夢半醒之間，我一步一步踏入呢個門口，內心不斷同自己講：「要堅強，要行埋呢一步。」但每走一步，心裡嘅焦慮感越發加重，好似全部嘅情緒一齊湧上嚟，無法控制。

推開病房，空間出乎意料地...

當我到達二樓嘅病房，推開門，空間出乎意料地寬敞，房間內設有一張大床，旁邊有一扇大窗，陽光透過窗簾灑進嚟，白色牆壁與窗外微弱的陽光交織，照亮整個房間，感覺舒適而靜謐。房內仲有獨立浴室同電視，一切設施都非常齊全，環境讓我安心。

當醫生過嚟見我，佢見到我有啲緊張，微笑著話：「其實我兩個月前都做過一個手術，跟你呢個一樣，我當時都好驚，所以你嘅緊張係好正常嘅。」聽完呢句，我心裡感覺有啲被理解，雖然依然唔輕鬆，但感受到醫生嘅同理心，令我稍為放鬆咗一啲。

踏入麻醉室嘅緊張...

踏入麻醉室前，心跳得勁快，真係好難控制自己嘅緊張。當麻醉師準備打麻醉針嘅時候，我忍唔住問佢：「麻醉打落去會係咩感覺呀？」佢笑住話：「你會感覺到有啲熱，不過好快你就會瞓着。」當時雖然聽住佢咁講，但仍然難掩心裏嘅焦慮。

麻醉藥一注入，果然感覺到身體開始有啲迷迷糊糊咁，唔使幾耐我就完全失去知覺，等我再醒過嚟嘅時候，已經喺康復室啦。

術後體驗: 食嘢反胃吐咗出嚟

術後醒過嚟，覺得整個人都好眼瞓，瞓多幾個鐘頭之後，護士就要催我食嘢，不然的話就血糖低，但係睇住個麵包和Yogurt真係無胃口🤢，所以同護士講，話唔食唔得唔得，佢哋話唔得，在護士嘅催逼之下（護士其實係為我着想，佢話不如去台越嚟越低，唔係咁好），我嘗試落一啖Yogurt之後反胃吐咗出嚟！！

護士好細心，建議我食啲嘢先，因為長時間冇進食會令血糖低，但我望住佢遞過嚟嘅麵包同Yogurt，真係提唔起胃口。佢哋堅持：「你一定要試吓食啲嘢，唔係身體會好難受㗎。」我勉強試咗一啖，但胃部唔舒服，最終反胃吐咗出嚟。🤢

見到我嘔咗出嚟，護士即時攞嚟一支「Anti-sickness針」打咗俾我。打完針之後，身體慢慢變得舒服啲，感覺自己有胃口，開始有啲想食嘢。過咗一陣，我再次試食少量食物，竟然可以開始慢慢接受，終於感覺好轉。雖然呢個過程好唔舒服，但係醫護人員嘅貼心照顧同耐心關懷，讓我感受到好大嘅安慰。

醫護人員嘅貼心照顧同耐心關懷，讓我感受到好大嘅安慰。雖然當時肚子仲有少少隱隱作痛，但手術當日嘅康復過程都進行得相當順利。

術後康復的體驗

做完婦科手術，肚子還是覺得有啲隱隱痛，所以如果表情太多嘅話或者讀得太多嘅話就會感覺肚有啲痛🤯😲

手術之後嗰幾日，感覺肚子漲得好厲害，好似有好多氣困喺入面，令我成日覺得唔舒服。每一日都希望呢啲氣可以快啲排走，讓肚子恢復平靜。只希望再過一兩個星期，呢種感覺可以慢慢消散，身體可以重新變得輕鬆自在。護士說手術後，也應該多走走，所以趁英國有太陽嘅時候就去咗公園行吓，這個時候是紅葉當下嘅英國。

術後經歷的感悟: 堅持後面的自由與遠方

呢次小手術，讓我真切感受到生命嘅脆弱，但喺脆弱背後，支撐住我嘅，不就係對人生嘅渴望？對美好嘅情懷？對詩意、自由同遠方嘅追尋？正係呢啲精神意志，撐住住我呢個脆弱嘅身體，令我堅持住向前行。人生的起伏與變化不定，仍要面對未知時的勇敢與堅持，堅持後面的詩，大海，自由與遠方。

我從荒野而來，正準備奔向大海，然而生活卻在中途擋住了我的去路。或許，這是時候停下來，將它當作一場中途的休息與約會，等休息過後，再重新踏上前行的旅程。

人生，就是刺痛與溫暖相擁的平行時空。